බංග්ලාදේශයේ ඩකා නුවර පැවති සාර්ක් රටවල ප්‍රවීණයන්ගේ මලල ක්‍රීඩා උලෙළේදී ශ්‍රී ලංකාවෙන් එක් වූ කෑගල්ල පින්දෙනියේ වයි. ප්‍රේමරත්න දුර පැනීම සහ තුම්පිම්ම ඉසව්වන්ගෙන් ප්‍රථම ස්ථාන දිනා ගැනීමට සමත්ව තිබේ.
69 හැවිරිදි ඔහු 2007 සිට මේ දක්වා ප්‍රවීණයන්ගේ ජාත්‍යන්තර ක්‍රීඩා තරගාවලි රැසකට සහභාගි වී ඇති අතර, ඉන් දිනාගෙන ඇති පදක්කම් සංඛ්‍යාව 260කි.
මේ තරගාවලිය සඳහා ශ්‍රී ලංකා මාස්ටර්ස් හා මාස්ටර්ස් ශ්‍රී ලංකා ආයතනවලින් ඉදිරිපත් වූ ප්‍රේමරත්නට කිසිදු අනුග්‍රහයක් නොලැබුණු බවත්, සිය පෞද්ගලික වියදමින් ගොස් මේ ජයග්‍රහණ අත්කර ගත් බවත් ඔහු පවසයි.
මෙවර තරගාවලිය සඳහා ශ්‍රී ලංකාවෙන් 17 දෙනකු ඉදිරිපත්ව රන් පදක්කම් 17ක් සහ රිදී පදක්කම් 9ක් දිනා තරගාවලියේ තෙවැනි ස්ථානය ශ්‍රී ලංකාවට ලබාදී ඇත.
The post බංග්ලාදේශ ප්‍රවීණයන්ගේ තරගාවලියේදී ප්‍රේමරත්න රන් දිනයි appeared first on දිනමිණ.
