රන්දද පාපන්දු කුසලානය සාන්ත තෝමසයට

මාතර රාහුල විද්‍යාලය සමඟ 20 වැනි වරට පැවති රන්දද කුසලාන පාපන්දු තරගය ගෝල් 1-0ක් ලෙස ජය ගැනීමට මාතර සාන්ත තෝමස් විදුහල සමත් විය.

සාන්ත තෝමස් විදුහලේ සත්කාරකත්වයෙන් මාතර උයන්වත්ත පාපන්දු පිටියේදී පැවැති තරගයේ පළමු අර්ධයේදී මේ තරගයේ වාර්තා වූ එකම ගෝලය හිමි කර ගැනීමට සාන්ත තෝමස් කණ්ඩායමේ එම්.ඒ. සෙනුරු ගිහාන් අබේසේකර සමත් විය. ඔහු තරගයේ දක්ෂතම ක්‍රීඩකයා ලෙස සම්මාන දිනාගත් අතර, තරගයේ දක්ෂතම දැල් රකින්නා ලෙස සාන්ත තෝමස් කණ්ඩායමේ එම්.ඒ. දුලාන්ජන විමුක්ති සම්මාන ලැබීය.

මේ තරගයට පෙර පැවති තරග 19න් දෙපිලම තරග 9 බැගින් ජය ගෙන තිබූ අතර, මෙවර ජයග්‍රහණය සමඟ සාන්ත තෝමස් පිල තරගයේ වැඩි ගෞරව අත්කර ගැනීමට සමත් විය. ජය සංකේත ප්‍රදානය සාන්ත තෝමස් විද්‍යාලයේ කීර්තිමත් ආදි ශිෂ්‍යයන් වූ සුගීස්වර සිරිමාන්න සහ රංජිත් මෙල්රෝයි බ්‍රයන්වීරප්පුලි මහත්වරුන්ගේ ප්‍රධානත්වයෙන් හා රහුල විද්‍යාලයීය විදුහල්පති සමිත කුරුකුලසූරිය සහ සාන්ත තෝමස් විදුහල්පති දයාශාන්ත ලියනගේ මහත්වරුන්ගේ සහභාගිත්වයෙන් පැවැත්විණි.

ගන්දර සමූහ – ජයසිරි පේදුරුආරච්චි

The post රන්දද පාපන්දු කුසලානය සාන්ත තෝමසයට appeared first on දිනමිණ.