බටහිර ඉන්දීය කොදෙව්හිදී පැවති කාන්තා කැරිබියන් ප්‍රිමියර් ලීග් ක්‍රිකට් තරගාවලියේ ශූරතාව දිනා ගැනීමට චමරි අතපත්තු ක්‍රීඩා කළ බාබඩෝස් රෝයල්ස් කණ්ඩායම සමත් විය.
පෙරේදා පැවති තරගාවලියේ අවසන් තරගයේදී බාබඩෝස් පිල හමුවේ හර්ෂිතා සමරවික්‍රම ක්‍රීඩා කළ ට්‍රින්බැගෝ නයිඩ් රයිඩර්ස් පිල කඩුලු 4කින් පරාජයට පත් විය.
තරගයේ පළමුව පන්දුවට පහරදුන් ට්‍රින්බැගෝ පිල ලකුණු 93කින් නතර කළ බාබඩෝස් ක්‍රීඩිකාවෝ කඩුලු 6ක් දැවී තිබියදී ජය තහවුරු කර ගත්තේ ඕවර 15කදීය.
චමරි අතපත්තු පන්දු 47කදී හතරේ පහර 7ක් සමඟ නොදැවී ලකුණු 39ක් රැස් කරමින් බාබඩෝස් ජය තහවුරු කළාය. මේ තරගයේදී හර්ෂිතාට ක්‍රීඩා කිරීමට අවස්ථාවක් නොලැබිණි.
The post චමරිලා සීපීඑල් කිරුළ දිනති appeared first on දිනමිණ.
