රක්ෂිත බන්ධනාගාරගත කර සිටින හිටපු සෞඛ්ය අමාත්ය කෙහෙළිය රඹුක්වැල්ල මහතා විසින් ගොනුකර ඇති පෙත්සමේ නියෝගය ප්රකාශයට පත් කිරීම අභියාචනාධිකරණය විසින් කල් තබා තිබේ.
ඒ අනුව, එහි තීන්දුව ප්රකාශ කිරීම ඔක්තෝබර් මස 03 වනදා දක්වා කල් තබන බව අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්රන් යන මහත්වරුන්ගේ සමන්විත විනිසුරු මඩුල්ල අද නිවේදනය කළේය.
එම පෙත්සම පිළිබඳ නියෝගය අද (04) ප්රකාශයට පත් කිරීමට නියමිතව තිබුණි.
ප්රමිතියෙන් තොර ප්රතිදේහ එන්නත් මිලදී ගැනීමේ සිද්ධිය සම්බන්ධයෙන් අත්අඩංගුවට ගෙන නඩු විභාගය අවසන් වන තෙක් තමාව රක්ෂිත බන්ධනාගාර ගත කිරීමට මාළිගාකන්ද මහෙස්ත්රාත් අධිකරණය දී ඇති නියෝගය බලරහිත කරන ලෙසත් තමන්ව මුදාහරින ලෙසත් ඉල්ලා හිටපු සෞඛ්ය අමාත්යවරයා මෙම පෙත්සම ගොනුකර ඇත.
The post කෙහෙළියගේ පෙත්සම ගැන අධිකරණය දුන් නියෝගය appeared first on Newsi – Fastest news provider in Sri Lanka | Newsi.lk.
