තම පියාගේ වෙළඳසැලේ සිට නිවසට තනිව ගිය බව කියන කුඩා දරුවෙකු නිවස ඉදිරිපිට ජලය පිරී තිබුණු කාණුවක ගිලී මඩේ එරීමෙන් මියගොස් ඇතැයි බටපොල පොලීසිය පවසයි.
මෙසේ මියගොස් ඇත්තේ අලුත්වල ,මහගංගොඩ පදිංචිව සිටි ගාල්ල ගුරුගේ සුමියුරු පවන් කේසර නැමති අවුරුදු හතරයි මාස හතක් වයසැති පිරිමි දරුවෙක් බව පොලීසිය පැවසීය .
සිය පියාගේ වෙළඳසලේ සිට මීටර් 200 ක් පමණ දුරින් පිහිටි නිවසට තනිවම ගොස් ඇති දරුවා නිවසට නොපැමිණීම හේතුවෙන් නිවැසියන් එක්ව දරුවා ගැන සොයා ඇත.
එවිට වගා කටයුතුවලදී කපා තිබූ කාණුවක් අසල තිබූ දරුවාගේ පාවහන් දුටු පියා කානුවට බැස එහි ගිලී සිට ඇති දරුවා ගොඩට ගෙන ආරච්චිකන්ද රෝහලට ඇතුලත් කරන ලද නමුත් ඒ වනවිටත් දරුවා මියගොස් සිට ඇතිබව පොලීසිය කියයි.
The post ජලය පිරි කානුවක මඩේ එරී දරුවෙක් ජීවිතක්ෂයට appeared first on Newsi – Fastest news provider in Sri Lanka | Newsi.lk.
