පාර්ලිමේන්තු මැති ඇමැතිවරුන්ගේ විශ්රාම වැටුප සහ තීරු බදු රහිත වාහන බලපත්රය අහෝසි කිරීමට රජයේ අවධානය යොමුවී තිබේ.
මේ අතර දැනට අමාත්යාංශ සතුව ඇති සුඛෝපභෝගී වාහන 150ක් විකිණීම සඳහා කැබිනට් මණ්ඩල අනුමැතිය ලබා ගැනීමට කටයුතු කරගෙන යන බව රජයේ ආරංචි මාර්ග සඳහන් කළේය.
මන්ත්රීවරුන්ට වී 8 සහ මොන්ටෙරෝ වැනි සුඛෝපභෝගී වාහන ලබා නොදීමට ද රජය තීරණය කර ඇත.
එසේම මැති ඇමැතිවරුන්ගේ වැටුප් හා දීමනා සම්බන්ධයෙන් කරුණු සමාලෝචනයක් කර තීරණයක් ගන්නා බව ද එම ආරංචි මාර්ග සඳහන් කරයි.
මන්ත්රීවරුන්ට ගිනි අවි සහ ගිනි අවි පුහුණුව ලබාදීම මහජන නියෝජිතයන්ට නිවාස ලබාදීම සම්බන්ධයෙන් මෙතෙක් තීරණයක් ගෙන නොමැත.
මැති ඇමැතිවරුන්ගේ වරප්රසාද සමාලෝචනය කිරීම සඳහා ජනාධිපති අනුර කුමාර දිසානායක මහතා විසින් විශේෂ කමිටුවක් පසුගියදා පත් කරනු ලැබීය. එම කමිටුවේ නිර්දේශය ද සැලකිල්ලට ගෙන මැති ඇමැතිවරුන්ගේ වරප්රසාද තීරණය කෙරෙනු ඇතැයි වාර්තා වේ.
මන්ත්රීවරුන්ගේ වරප්රසාද සම්බන්ධයෙන් පාර්ලිමේන්තු නිලධාරියකු පැවැසුවේ රජයෙන් තවමත් ඒ සම්බන්ධයෙන් නිල වශයෙන් දැනුම් දීමක් කර නැති බවයි.
එතෙක් මන්ත්රීවරුන්ට අවශ්ය නිවාස ඇතුළු අනෙකුත් පහසුකම් සම්බන්ධයෙන් කටයුතු කරගෙන යන බව ද ඔහු සඳහන් කළේය.
මන්ත්රීවරුන් සඳහා පසුගියදා පැවැති වැඩමුළුවේ දී ඔවුන්ගේ වරප්රසාද සම්බන්ධයෙන් කරුණු පැහැදිලි කිරීමට නියමිතව තිබුණ ද එය සිදුව නැතැයි වාර්තා වෙයි.
The post මැති ඇමැති වරප්රසාද රැසක් කැපෙන ලකුණු – විශ්රාම වැටුප, තීරු බදු රහිත වාහන බලපත්රත් ඒ අතර appeared first on Newsi – Fastest news provider in Sri Lanka | Newsi.lk.
